ភ្នំពេញ៖ នាយករដ្ឋមន្ត្រីកម្ពុជាលោក ហ៊ុន ម៉ាណែត បានណែនាំទៅដល់ការបើកវគ្គបណ្ដុះបណ្ដាលជំនាញវិជ្ជាជីវៈឲ្យពង្រីកទៅដល់ថ្ងៃសៅរ៍និងថ្ងៃអាទិត្យ ដើម្បីបង្កលក្ខណៈងាយស្រួលទៅដល់កម្មករកម្មការិនីដែលរវល់ធ្វើការពីថ្ងៃច័ន្ទដល់សុក្រ អាចចូលរៀនវគ្គបណ្ដុះបណ្ដាលទាំងនេះ។
នេះបើតាមប្រសាសន៍របស់លោកនាយករដ្ឋមន្ត្រីនៅព្រឹកថ្ងៃទី២៩ ខែសីហា ឆ្នាំ២០២៣ នេះក្នុងពេលជួបជាមួយនឹងកម្មករប្រមាណ ១៨ ០០០នាក់នៅក្នុងខណ្ឌពោធិ៍សែនជ័យ រាជធានីភ្នំពេញ។
ការបណ្ដុះបណ្ដាលជំនាញវិជ្ជាជីវៈគឺជាគោលនយោបាយរបស់រាជរដ្ឋាភិបាលកម្ពុជាអាណត្តិទី៧នេះក្នុងការបណ្ដុះបណ្ដាលនូវជំនាញទៅដល់ពលរដ្ឋដែលមានជីវភាពក្រីក្រឲ្យទទួលបាននូវជំនាញជាក់លាក់ពិតប្រាកដងាយស្រួលដើម្បីប្រកបរបររកស៊ីរបស់ខ្លួន៕
ព័ត៌មានជាច្រើនទៀតសម្រាប់អ្នក
